我真係好鐘意香港
就算去旅行玩得幾開心都好
就算明知返番香港又要面對種種生活問題都好
我都會好想返番香港，只要一踏入香港，我就最感到舒服同自由
所以，面對國安法，好多人選擇移民
但我唔會咁做，亦都諗都無諗過
香港係我唯一嘅家，無地方可以取替得到
上年逃犯條例，只要你犯法，就有機會送上中國審判
但今年嘅國安法，比逃犯條例更恐怖
公安不但可以直接喺香港執法，無需送中
亦都可以濫用呢條法例去排除異政份子
單單一條限聚令，已經比班黑警濫用
但你吹佢唔脹，軍政府底下，無人可以阻到佢地
所以，國安法一旦通過
你估班公安同黑警會點?
可能連我都會被拉
聽日銅鑼灣，好多人都會問問自己、問問身邊嘅人
「聽日出唔出去好?」
然後就會反問自己「有限聚令喎、班狗一定埋伏哂!好危險!」
無錯，按照以往劇本，班黑警一定準備好哂
但如果我面對呢條終極惡法而因為恐懼唔出
咁政府真係成功了
成功將我打壓成順民，一個逆來順受嘅市民
但每個人能力有限，亦有唔同程度嘅包袱
危險性亦存在
所以我鼓勵大家出去行下街 買下嘢算 有咩就按照情況而見機行事
無論有冇用都好
我始終覺得出嚟係一種表態
如果真係出唔到，至少都幫手關注下事件，做下哨，發放唔同即場資訊幫下人，咁都已經非常足夠。
總之，聽日，銅鑼灣見
大家保重
Search